MeMoRiEs

Sunday, November 26, 2006

نظرية العنب والبلح في إحياء ليلة الفرح


لظروف خارجة عن إرادتي , مش هقدر أعمل فرح مع اني كنت حجزت الدار وظبط كل حاجة , بس ياللا مفيش نصيب, المهم خطيبتي العزيزة تفهمت الموقف , بس دموعها خانتها غصب عنها وعيطت, وقالتلي يعني كان نفسي أفرح زي بقية البنات , بيني وبينكم مع اني معترض على عمل فرح مكلف , لكن الفكرة عجبتني في الآخر , وقلت يالللللاا .. ان شالله محد حوش , اهي ليلة في العمر وقعدت اتخيل الفرح بتاعنا هيكون شكله ايه ...لقيت مصيبة !!! ايه هية لمصيبة ..المصيبة اني شفت فرحي قبل كدة كذا مرة ؟؟ إزاي يعني ؟؟

يعني شايف نفسي انا ومراتي في الزفة واقفين مأنججين بعض ..والزفة شغالة ...ونقف على باب القاعة من برة ..وبعدين الأغنية الأشهر في يتاريخ الأفراح في العقد الماضي وهي أسماء الله الحسنى تروح شغالة على على طول...شفت الإلتزام...

وبعدين ندخل القاعة والناس كلها بتتفرح علينا ...ايوة محنا الفرجة اليلة دي ...وتلاقي اللي بيضحك واللي بيعيط ...واللي بيبص في الساعة وقاعد يحسب هوة فاضل اد ايه على البوفيه ...يعني مووولد وصاحبه مش غايب


وبعدين يتفضل السيد الدي جي المحترم (أو المش محترم ..على حسب ظروفه )..يقول العريس والعروسة ..اتفضلو عشان الرقصة البطيئة...ااه لا مؤاخذة السلووو...ونرقص سلوو ونعيش الرومانسية ...كأننا عمر الشريف وفاتن حمامة ..بالظبط...بس الفرق ان عمر وفاتن كانوا بيرقصوا لوحديهم في القصر ...ام احنا بنرقص وفي 200 عين بتبحلق فينا كأنهم شايفين كائنات فضائية خرافية بترقص قدامهم ...مع اننا كنا لسة معاهم في البيت ...ومحدش كان بيبصلنا....

وبعدين خير اللهم اجعله خير تلاقي فجأة الديجي راح داخل بالطحن ...هي دي الكلمة المناسبة ....الطحن ...تشتغل الأغنية المدمرة ..."العنب" ... وتلاقي يا مؤمن الفرح اتقلب ...الصغير بيرقص ..والكبير بيرقص ...والعواجيز بترقص ...وكأن في قنبلة غاز أعصاب اضربت في القاعة ...

طبعا بعد وصلة الإحماء الفظيعة دي ... المعازيم جاعوا...من كتر الهرية في الساعتيين اللي فاتوا....طيب ...البوفيه يتفتح ... وبعد ما كل المعازيم يعملوا محترمين ...وتلاقي كله قاعد يبص لبعضه...مستنيين اي حد يقوم ...وبعد ما تلاقي واحد الجوع قرصه ...وعصافير بطنه اتحولت لنسور جارحة بتنهش في معدته...يروح قايم ورايح على البوفيه .... ولو بص وراه هيلاقي الكل قايم يجري وراه ....هجووووووووووووووووووووووووووم ....وبقدرة قادر تلاقي البوفيه اللي كان عمران بما لذ وطاب ....بقه شوية أطباق فاضية ...بعد كام دقيقةوبعد ما كله أكل وشرب وحبس بكباية الشاي المتينة ...او فنجان القهوة المكن ...عايزين نهضم بقى ...لحسن الواحد الأكل كبس على نفسه .... طيب ايه الحل ...ااااه مفيش غير الطحن... وتشتغل الوصلة التانية من الرقص على نفس أغنية "العنب والبلح" اللي اشتغلت تاني بناء على طلب المعازيم...ورقص ايه بقى... ممكن توصفه بأي حاجة في العالم غير انه رقص شرقي ...

وبعدين الرقصة السلووو الأخيرة ...ونروح بيتنا بعد هذه الموقعة الزوجية اللي ربنا عداها على خير ...

هوة ده الفرح المصري اليومين دول ...كل الافراح نسخة بالكربون ...مع تغيير العريس والعروسة والمعازيم ...بذمتكم مش حاجة مملة فعلا ...

Monday, November 13, 2006

إنتظار

قبل اختراع الموبايل كان يصعب عليك بل ومستحيل ان تجده او تعثر عليه في اي مكان .. لأنه كان دائم الحركة ...لا يجلس في مكان واحد أكثر من نصف الساعة .. كان كثير السفر والترحال .. سافر بلادا عدة ... وزار أماكن كثيرة .. والآن .. يرقد وحيدا على أحد الأسرة في أحد المستشفيات .. وحيدا مع اننا حوله كثيرون .. يشعر بالوحدة ..هكذا قالها لي .. يستعد للموت .. يبكي أحيانا .. ويبتسم أحيانا .. في الإنتظار ... وياله من إنتظار..
شردت بعيدا وسألت نفسي ..ماذا سافعل ان علمت أني سأموت غدا ؟؟!!

Wednesday, November 08, 2006

is this real ??


Can you love someone , when you just read his or her posts ??!!

i dont mean love as everyone thnking of , i mean when you read his posts, you feel that he say the things you are thinking of , as if you are the one who is talking or writing !!

when your read the posts you feel closer to that person, you wish to meet her !!

is this real ??