نظرية العنب والبلح في إحياء ليلة الفرح
لظروف خارجة عن إرادتي , مش هقدر أعمل فرح مع اني كنت حجزت الدار وظبط كل حاجة , بس ياللا مفيش نصيب, المهم خطيبتي العزيزة تفهمت الموقف , بس دموعها خانتها غصب عنها وعيطت, وقالتلي يعني كان نفسي أفرح زي بقية البنات , بيني وبينكم مع اني معترض على عمل فرح مكلف , لكن الفكرة عجبتني في الآخر , وقلت يالللللاا .. ان شالله محد حوش , اهي ليلة في العمر وقعدت اتخيل الفرح بتاعنا هيكون شكله ايه ...لقيت مصيبة !!! ايه هية لمصيبة ..المصيبة اني شفت فرحي قبل كدة كذا مرة ؟؟ إزاي يعني ؟؟
يعني شايف نفسي انا ومراتي في الزفة واقفين مأنججين بعض ..والزفة شغالة ...ونقف على باب القاعة من برة ..وبعدين الأغنية الأشهر في يتاريخ الأفراح في العقد الماضي وهي أسماء الله الحسنى تروح شغالة على على طول...شفت الإلتزام...
وبعدين ندخل القاعة والناس كلها بتتفرح علينا ...ايوة محنا الفرجة اليلة دي ...وتلاقي اللي بيضحك واللي بيعيط ...واللي بيبص في الساعة وقاعد يحسب هوة فاضل اد ايه على البوفيه ...يعني مووولد وصاحبه مش غايب
وبعدين يتفضل السيد الدي جي المحترم (أو المش محترم ..على حسب ظروفه )..يقول العريس والعروسة ..اتفضلو عشان الرقصة البطيئة...ااه لا مؤاخذة السلووو...ونرقص سلوو ونعيش الرومانسية ...كأننا عمر الشريف وفاتن حمامة ..بالظبط...بس الفرق ان عمر وفاتن كانوا بيرقصوا لوحديهم في القصر ...ام احنا بنرقص وفي 200 عين بتبحلق فينا كأنهم شايفين كائنات فضائية خرافية بترقص قدامهم ...مع اننا كنا لسة معاهم في البيت ...ومحدش كان بيبصلنا....
وبعدين خير اللهم اجعله خير تلاقي فجأة الديجي راح داخل بالطحن ...هي دي الكلمة المناسبة ....الطحن ...تشتغل الأغنية المدمرة ..."العنب" ... وتلاقي يا مؤمن الفرح اتقلب ...الصغير بيرقص ..والكبير بيرقص ...والعواجيز بترقص ...وكأن في قنبلة غاز أعصاب اضربت في القاعة ...
طبعا بعد وصلة الإحماء الفظيعة دي ... المعازيم جاعوا...من كتر الهرية في الساعتيين اللي فاتوا....طيب ...البوفيه يتفتح ... وبعد ما كل المعازيم يعملوا محترمين ...وتلاقي كله قاعد يبص لبعضه...مستنيين اي حد يقوم ...وبعد ما تلاقي واحد الجوع قرصه ...وعصافير بطنه اتحولت لنسور جارحة بتنهش في معدته...يروح قايم ورايح على البوفيه .... ولو بص وراه هيلاقي الكل قايم يجري وراه ....هجووووووووووووووووووووووووووم ....وبقدرة قادر تلاقي البوفيه اللي كان عمران بما لذ وطاب ....بقه شوية أطباق فاضية ...بعد كام دقيقةوبعد ما كله أكل وشرب وحبس بكباية الشاي المتينة ...او فنجان القهوة المكن ...عايزين نهضم بقى ...لحسن الواحد الأكل كبس على نفسه .... طيب ايه الحل ...ااااه مفيش غير الطحن... وتشتغل الوصلة التانية من الرقص على نفس أغنية "العنب والبلح" اللي اشتغلت تاني بناء على طلب المعازيم...ورقص ايه بقى... ممكن توصفه بأي حاجة في العالم غير انه رقص شرقي ...
وبعدين الرقصة السلووو الأخيرة ...ونروح بيتنا بعد هذه الموقعة الزوجية اللي ربنا عداها على خير ...
هوة ده الفرح المصري اليومين دول ...كل الافراح نسخة بالكربون ...مع تغيير العريس والعروسة والمعازيم ...بذمتكم مش حاجة مملة فعلا ...
posted by salateenoo @ 11:50 PM
47 Comments:
At 12:04 AM ,
محمد هشام عبيه said...
عندك حق والله يا أبوحميد..كل أفراحنا كده..قص ولصق.. ده أنت حتى ياراجل تلاقي نفس الضحكةوالرقص والزعيق والهيصة.. ونفس الجرسون الممل اللي لازم يخلي العريس والعروسة يبوسوا بعض وهم بياكلوا من التورتة عشان شوية الشباب السخيف أصحاب العريس يقعدوا يزعقواويقولوا "بوسها ..بوسها!".. ياوالدي إحنا بقينا غير مبتكرين في أي حاجة يعني هتيجي على الأفراح!
سيبك أنت.. هتعزمني على الفرح عشان أرقص على العنب وأكل الجاتوه ولا إيه النظام؟!
At 12:39 AM ,
salateenoo said...
والله ياحمادة لو عملت فرح .. هخليك انت اللي مسئول عن أمن البوفيه.. متقلقش...انا عارف ظروف المغتربين أمثالنا ... بس انت ابقى هات معاك كيس وانا هظبطك ...
At 1:31 AM ,
Nesrina said...
Tayeb what about a small wedding ... ya3ni men 3'eir el takaleef el malahash lazma, bas the very close people in a cozy gathering and that's it.
At 2:15 AM ,
Maat said...
LOOOL
i knew why i dont wanna get married, but i was forgetting why i dont wanna have a wedding... thanks for reminding me :D
though Nesrina's idea is actually nice!
mabrooooook :) :)
At 2:58 AM ,
Omar Mostafa said...
والله يا أحمد عين العقل، مع إنك بتقول انه غصب عنك. الموضوع بصراحة بقى حاجة تقرف، طبعاً انت نسيت تقول على حركة البوكيه الأمريكاني، والله يرحم، وكاس العصير اللي العريس والعروسة بيشربوا منه في ذات نفس الوقت ومن غير شفاطات يا مؤمن، يا عم ده احنا ناس سخيفة.. روح يا عم سافر اي مكان جميل ربنا يسعدك، بلاش وجع قلب
At 3:00 AM ,
salateenoo said...
Nesrina :
Please ... tell me how and where .. give suggestions and places.. and i will go and ask ..
i thought in a nile cruise ...but i didnt ask for details yet ..
Maat :
allah yebarek feek.. we ba3d el sharr 3aleek ...
please give it a second thought before getting married :)
take my advise and forget about the wedding ... waste of money...i will travel to some place instead ..
At 3:05 AM ,
salateenoo said...
الجميل عمر :
ده غير الشوكة اللي فيها قطعة الجاتوه اللي بياكلو منها هما الاتنين ...ويروح الجرسون قليل الأدب منزل الشوكة...وقال اييييييه ..يروح الأتنين بايسيين بعض غصب عنهم...إخص عليك يا جرسون ....المشكلة انهم مش يبعدوا بقى لما يلاقو الخدعة الماكرة بتاعت الجرسون ...لأ...دول بيقعدوا متنحين ولازقين بوزهم في بوز بعض بتاع نص ساعة ....
انا ان شاء الله هروح الغردقة ...بس انا كنت عايز اسألك على حاجة ...هبقى أكلمك بقى ..
At 9:14 AM ,
SOLITUDE® said...
والله إنت راجل عسل...وكويس جدا إني لقيت حد بيفكر نفس تفكيري في الموضوع ده
أصل أنا كمان مؤمن بنفس النظرية وبكره فكرة الفرح دي جدااااااااا
At 12:41 PM ,
Anonymous said...
well, u can always arrange for a small reception (like a dinner) for friends and immediate family.. nothing big.. a nile cruise would be nice, but i think it would be too cold these days to have the upper deck.. otherwise, u will be stuck with el ra2asa wel takht el 3araby elly beyetla3 fe kol cruise.. well, u can tell ur fiance that a nice private honeymoon would be more about the two of u other than el forga elly bey7ebooha hena fe masr
At 12:48 PM ,
Anonymous said...
Mabrooook..you know I don't like weddings and I don't wanna have a wedding.
Besides el zennob ele hakhodha because of el 3enab el 3enab and it's sisters, it's waste of money..I also will feel sooooo embarrassed of those people and their staring eyes…brrrr…never!!
But as long as your financee wish to have one, you could make a small wedding like nesrina suggested and I will try to ask you about some places.
Mabrook agagin:)
At 11:34 PM ,
salateenoo said...
محرز :
كويس اني مش لوحدي المؤمن بالنظرية دي :)
Insomniac :
wallahee i kept on telling her that , she is convinced, and inshallah , we will make a wonderful honeymoon.
engy :
allah yebarek feeky, we 3o2baalek 2orayeb insha2allah :)
i will make some small party in some place that i didnt know yet , and iam convinced that it will be amazing.
At 10:15 AM ,
Anonymous said...
انا جيت متأخره ولا ايه؟ عملتوا الفرح من غير ولا ايه النظام ؟
الف مبروك يااحمد وعقبال يارب ما نباركلك على دسته العيال قول يارب
ايه ياابنى زعلان من موضوع الفرح كده ليه بتحصل فى احسن العائلات يعنى...هايعدى متقلقش
بس يعنى خد بالك من حكايه العصير زى ما قال (عمر ) علشان انا جوز اختى من غير قصد كب العصير عليها فى الفرح وهى مسابتش حقها راحت كبت عليه الكاس بتاعها والجرسون راح زعقلهم وقالهم
احنا هنهزر؟
يلا الف مبروك انتم السابقون ونحن اللاحقون بعد عمر طويل ان شاء الله
بس هى العروسه اسمها ايه؟
At 10:40 PM ,
Nesrina said...
walahi I lack the experience in that concern but a nile cruise is a very nice idea.. also if you can rent a villa for that day and you arrange yourself the banquet and flowers and stuff ,make it outdoors for like 3 hours around the sunset keda (mesh belail ya3ni) nice and cozy will save some money and it will be something very special.
At 11:37 PM ,
salateenoo said...
rony :
الله يبارك فيكي يا روني ..وان شاء الله نفرح بيكي قريب قوي .. بس انا عليز اعرف حاجة مين قالك على موضوع دستة العيال ده ؟؟؟اصل انا ناوي والنية لله اجيب دستة عيال .. :)
ان شاء الله مش هيكون فيه فيرح لظروف وفاة خالي اللي انا كنت كاتب عنه في البوست اللي فات...يعني هتكون حاجة صغير كدة ... وحرمي المصون إسمها .. أسمــــــــاء
Nesrina :
do u remember my last post about that sick man , he was my uncle (Khaly) but he is dead now from two weeks . thats why i cant make an kind of ceromonies, i want just a small party for me and her and some of our closest friends , so i found the most suitable thing is the nile cruise , but i didnt ask about where and how to reserve yet .
thanks for you concern :)
At 11:51 PM ,
Doaa Samir said...
صباح الفل يا أحمد
(:
مش قادرة أمسك نفسي م الضحك... بس بجد زي ما إنت بتقول؛ كل أفراحنا وحاجات كتير في حياتنا بقت تيبيكال بطريقة تخنق... يعني حتى الأفراح المكلفة في الأماكن إياها اللي فيها نجوم وسحاب وقمر، مش بقيت بانتظر جديد منها... ولو هاقول كلام بنات، حتى الفستان والجيرب مش بقيت بانتظر جديد أو افتكاس غير متكرر عشان لما ألاقيه تيبيكال لكل اللي شفته مش يخيب ظني!!د
بس بجد أسوأ حاجة بتضايقني، هي الهجوم اللي بيحصل ع البوفيه. بحس إن الناس الشيك اللي جاية وهي في أهبتها وأناقتها، بيتحولوا لغوغاء وغاغة و....غيره. أنا ببقى مكسوفة أوي أوي وأنتظر لحد ما التكتلات تخـف... وما شاء الله غالبا نصيبي بيكون سلاطات وأم علي!!د
المستفز بجد بقى "الكوشة" يعني ايه اللي يخليني قاعدة زي تمثال عمو رمسيس الله يمسيه بالخير، في وش الناس.. أبتسم لدي، وأضحك لده، وأستحمل أحضان دي اللي لسه حاضناني من شوية.. حبكت بقى.. والميك-اب بتاعي يبوظ، والروج بتاعها وبتاعهن ييجي في الطرحة اللاسيه اللي مش هاعرف أغسلها!! وواحدة تانية مصرة إن البيبي بتاعها يتصور معايا -ما هو فال حسن بقى- والبيبي يكون بياكل بسكوت بالشوكولاتة، أو فيه حاجات نازلة من بقه لو بيسننّ أو مناخيره لو عنده برد وهي تصرّ إنه لازم يدي العروسة سكرة!د
أنا نفسي أعمل افتكاس كده.. أخلي الكوشة مش موجودة أو أخليها في قفا المعازيم، أو في وسطهم.. أو أحسن حاجة، أتفرق أنا و"هو" وسط الناس نضايفهم ونحييهم وكده.. بس في الحالة دي هحتاج وصيفة تشيل لي ديل الفستان أو أعمل له ديل قصير. و...ــــــــــــــ
ماعلينا
صباحك فلّ ويارب نفرح ليك وبيك وكده
((:
At 12:11 AM ,
salateenoo said...
دعاء :
انتي نسيتي حاجة مهمة كمان.. العيال اللي بيجروا حوالين الكوشة ..كأنهم بيطوفوا ...لحد ما يخلو العريس يدوخ ويبقى مش مركز ...قال يعني هوة ناقص ...مش كفاية اللي هوة فيه ؟
أو ممكن تلاقيهم قاعديم حوالين الكوشة بيحرسوا العريسين وقاعديم متنحينلهم كأنهم بيتفرجوا على حيوانات منقرضة في جنينة الحيوانات .... حاجة تزهق ..
تفتكري الواحد لو عمل فرح ..وكتب في الدعوة ..الأطفال يمتنعون ...فيها مشكلة ؟؟؟
ده غير عمليات توفيق راسين في الحلال ..اللي شغالة في كواليس الفرح ..واحد شاف واحدة عجبته ...قاعد بيدور عل حد يعرفها عشان يسأل عليها ...وواحدة بتدور على عروسة لإبنها اللي على وش جواز ...والله المفروض العريس والعروسة ياخدوا عمولة على العمليات دي ...
وطبعا كل البنات عارفة ان في فرصة انها تلاقي عريس في الفرح ...تلاقيها عاملة في نفسها اللي ما يعمل ...من مكياج مش لايق عليها ...ولبس مش ماشي حجابها ...يعني ...عايزة تلفت النظر ..
أما الشباب نوعين ...يا اما واحد بيدور على واحدة عشان يخطبها .. او بيدور على واحدة يمشي معاها ...
مش بقولك ...مــــولد وصاحبه قاعد في الكوشة :)
At 1:32 AM ,
Doaa Samir said...
آآآه يا أحمد.. إلا الفقرة الأخيرة دي، اللي هي توفيق راسين في الحلال!د
حاجة تقرف.. بجد حاجة تقرف من منظور بنوتة مستحية بتتعرض للمواقف دي. المصيبة إن الموضوع بيبقى واضح موووووت، ألاقيه عمّال يلف ويدور ويحوم ويبص ويبحلق ويحملق وفي الآخر يزقّ عليّ حد من البنات اللي تبعه.. وأنا يا عيني الدم يغلي في عروقي وبيبقى هاين عليّ أقول لها روحي قولي لأخوكِ ولا ابن عمك ولا أياً كان روح في حال سبيلك يا ابن الناس. ويا سلام بقى لما يكون بابا أو حد من أخواتي معايا، وياخدوا بالهم أحياناً
يالهوووووييييييي، هههههههههه. إنت فكرتني بموقف حصل لي قريباً..%-( مش للنشر
At 3:54 AM ,
Anonymous said...
والنبى ياجماعه انا عماله اضحك على كلامكم وماما عماله تتفرج عليا وتقول ايه المجنونه اللى بتضحك لوحدها دى
المهم انتوا بجد (انت ودعاء سمير )بتتكلموا فى مواضيع جامده جدا الحقيقه العيال وعمليات التزويج غير المباشر وحركات البنات اياها
بالنسبه لحكايه الاطفال دى اعتقد انها غالبا بتفشل لان كل واحد واخد عياله ورايح الفرح ومعتقد ان الكلام اللى كان فى الكارت كان هزار او مكنش ليه
انا شفت كارت واحده صاحبتى مكتوب فيه من تحت (جنه الاطفال منازلهم ) الحقيقه انا مفهمتش قصدهم ايه وكنت فاكره ان فيه ماراجيح فى الفرح بس هى فهمتنى بعد كده والكبيره كمان لما تبص على صور الفرح بعد كده تلاقى الاطفال دول فى كل الصور طالعين اكتر منك انت والعروسه شخصيا وطالعين فى كل الاوضاع والمناظر...وطبعا الامر لا يخلو من انهم يقعدوا يلمسوا فستان العروسه كانهم بياخدوا البركه او مثلا يشدوا الطرحه من وراها علشان يشوفوا هاتطلع فى ايديهم ولا لأ....انا اعرف طفله مزاج عندها تدخل تحت فستان العروسه او ترفعه بمعنى اصح علشان تعرف هى لابسه جزمه ولا لأ ومتسألش ليه
وحكايات العرسان فى الافراح دى بقت حاجه تشل ....طب انا واحده مش عايزه اتجوز ومش بحب حد يقعد يتفرج عليا بقيت انا واخواتى نتبع اسلوب جديد اخترعناه...تعرف عواجيز الفرح اللى هما الناس اللى مش بيتحركوا من مكانهم الا علشان يمشوا...احنا دول اعتقد بنبقى البنات الوحيدين فى الافراح اللى مش بنسيب الكرسى ولا بنتحرك من عليه كأننا هنتوه لو قمنا من عليه ...انا اذكر فيما اذكر انى مقومتش وقفت فى اى فرح غير فرح اختى وبنت خالتى وواحده صاحبتى غير كده الناس فقدت الامل فينا خلاص
المهم الف مبروك ليك انت واسماء وربنا يكرمكم يارب ...ويعنى الفرح على الضيق بس ميمنعش يكون فيه تورته وتشيلى حته منها
At 4:53 AM ,
Nesrina said...
I am soooooooo sorry, Allah yer7amo, I read your last post more than once and I couldn't comment because it was very touching and it left me speechless.
please my accept my belated condolences and prayers for him.
At 5:09 AM ,
salateenoo said...
انا معاكي طبعا ان الاطفال بيبوظوا شكل الفرح..بس مينفش تعزمي حد وتقوليله سيب عيالك في البيت ... خصوصا لو كانوا صغيرين ...وخاصة ان احنا معندناش ثقافة البيبي سيتر ... يعني لو قلتي لحد من جيرانك الشباب تعالى خللي بالك من اطفالي الكام ساعة دوول ...وهديك مثلا 50 جنيه ....يانهار اسود ....هينهال عليكي بالشتايم والالفاظ المتنقية ..ويقولك ...ليييييييه .. عايزاني أشتغل على آخر الزمن .. خدام !!!!
At 5:22 AM ,
salateenoo said...
Nesrina :
dont be sorry, thanks for you sincere words.
At 5:40 AM ,
meho said...
post 7elow awwee yafandeem ,, bas ahm 7ageh enk tkon mabsoot entah we future wife ..ta7eyatee.
At 11:21 AM ,
Shaimaa Zaher said...
ألف مبروك يا أحمد ...وأنا مع رأي عمر تمام. وعندك حق المعازيم بيكونوا حاجة غريبة، يعضوا يتخانقوا كده ع الأكل. متيألي حتى لو حد عايز يعمل فرح، يدي المعازيم حقها ناشف ويجيب من الآخر وخلاص...
مبرووك يا أستاذ مرة تانية ...
At 6:15 AM ,
Veeeva said...
weddings r sad occassions.
At 6:23 AM ,
salateenoo said...
الاستاذة شيماء :
كده هيتخرب بيتي يا شيماء...
still breathing :
why ?
At 8:14 AM ,
Anonymous said...
انا جيت متاخرة اوي اوي....بس حقول ايه غير الف الف مبروووووووووككككككككك يا عم احمد وعقبلنا بقه ايه لما نروح كدة نقضي شهر العسل في شرم علشان العسل في شرم ايه مش زي اي عسل ولا اييييييييييهههههههههه..
At 8:17 AM ,
Anonymous said...
اه انا نسيت اقلكو اني صديقة لسة طازة كدة يا ريت تتكرمو وتتفضلو وتقبلوني بينكم ....ماشييييييييييييييييييي يا خوانا ولالالالالالالالالالالالا
At 2:20 PM ,
Veeeva said...
because its like having a new begining..beginings r scary and endings r sad...
its that part in the middle that counts the most..which 95% of the cases turn out to be horrible..
fhmt 7aga?
At 11:41 PM ,
salateenoo said...
still breathing :
i think i understood some how
السندريلا الحائرة :
اهلا بيكي صديقة جديدة يا سندريللا
At 2:47 AM ,
mariam said...
سيبك من دة كله
المهم الف مبروك و لو انها جت متأخرة
At 2:56 AM ,
salateenoo said...
مجتش متأخرة ولا حاجة ...والله يبارك فيكي ..وعقبالك ان شاء الله
At 1:11 PM ,
Anonymous said...
غيا ميت فل ومسة على الناس الكويسة....انت فيييييييييييين يا عم احمد..محدش بيشوفك يعني ...انت بتغطس فيييييييييييينننننن سمعنا سلام حتى ولا خلاص زهقت مل الكتابة و.....ااااه نسييييييييييييييييت اكيد انت لسة فشهر العسل بردو....طب يا سيدي هنيالك وعقبلنا بقة...
At 3:44 PM ,
Anonymous said...
مش قدرة اوصفلك اد ايه انا كنت فطسانة من الضحك على وصفك للى بيحصل (هههااااااى)
نتكلم جد بقى
كل كلمة كتبتها صحيحة 1000%
و ده راجع إلى إنه محدش دلوقتى بتجيله الجرأة على إنه يغير
ينى مثلا ليه مفيش ناس بتعمل أفراحها الصبح؟ ليه دايما بالليل؟
أو مثلا ليه مايبقاش فى مكان مفتوح بدل ما هو فى قاعة مقفولة مليانة دخان الدى جى
ليه أصلا بيكون فيه دى جى فى كل حفلة؟
انا مش بسأل الأسئلة دى عشان النقط دى فى حد ذاتها
بس ده لإن الفرح زيه زى أى حاجة تانية فى حياتنا بناخده شئ مُسَلم بيه
الناس كلها بتعمل كدهو, نغير إحنا ليه؟
كلمة أخيرة
مدونتك حلوة جدا و متميزة فعلا
و تأملاتك حلوة و تستحق التفكير
و الف مبروك
سلام
At 11:46 PM ,
salateenoo said...
السندريللا الحائرة :
انا موجود والله مغطستش ولا حاجة ...بس انتي عارفة الشغل ..والتحضير للجواز .. يعني الدنيا عندي ملخبطة شوية ... ولسة والله مروحتش لا شهر عسل ولا بصل ... بقولك ايه ؟؟
معندكيش اقتراح لموضوع شهر العسل ده .؟؟ يعني مكان حلو تعرفيه او حاجة انتي زرتيها ...اي حاجة حاجة يعني ...أمال أصحاب كدة وخلاص ؟؟
Nadine :
الله يبارك فيكي أولا ...وعقبالك ان شاء الله .
بالنسبة لموضوع التغيير في موضوع الفرح ...انتي معاكي حق ...لازم يحصل تغيير في موضوع الفرح ...لحس بقى بايخ قوي ... انا عموما خلاص مش هعمل فرح البركة فيكو انتو بقى ...انتي لازم تبدأي بالتغيير ...
وانا مبسوط قوي انك عجبتك المدونة .. احساس جميل انك تعمل حاجة وتلاقيها عاجبة الناس ...
At 7:13 AM ,
Anonymous said...
ايوة كدة سمعنا صوتك يا راجل....ربنا يعيناك ويتمملك على خير ...ونفرح بيك بقه....وعقبالي بقه لما اتجوز بقة واعمل شهر عسل انا كمان....انت بتسالني انا على الاماكن الي ممكن تروح تعمل فيها شهر العسل....الله ينيلك ..دانا مستنياك علشان تقلي انتو لروحتو فين وايه لي ممكن اعملو...يا عني انا لسة بحضر للجواز اهو زيك...يعني احنا في الهوا سوا...بس انا عوزة كلي دا يخلص بسرعة علشان عوزة جوز بقه.....يالا اجوز انت الاول وعمل شهر عسل علشان ترجع تقولي اعمل ايه واروح فين...يالا بسرعة.....والله مافي احلا من انك تحب وتتحب وتعيش بقيت حياتك مع لي بتعشق....والله الحب جميل وبيخلي الواحد في عالم تاني....ربنا يوعد الناس كلها يا رب..... وخصوصا برايد العسل....
At 6:11 AM ,
Anonymous said...
ضحكتني مووت
الف مبروك اولا
بس و الله الفرح مش كده
هو فرحه برضه
أنا آسفه انك مش حتعمل فرح
بس جايز ده أحسن
قول لمراتك ان انا اتعمل لي فرح جميل جدا
لكن صار عندي عقده من الافراح و فساتين الفرح
حصلت سلسله من الاحداث السيئه قبل الفرح و بعده
ماما بتقول دي عين
انا مش بؤمن اني اعلق كل شيء على شماعة الحسد
لكن فعلا كان غريب
الفستان باظ و جبت فستان تاني مش عاجبني قبل الفرح على طول
الصور باظت و الفيديو باظ
و الليله كلها باظت
هاهاهاها
بس و الله كنت ساعتها مبسوطه في الفرح و الناس كانت مبسوطه
بس بعدين جالي عقده
اصل انا بعيد عنك حساسه و مبنساش
و جوزي بيكره فيا موضوع الحساسيه ده
طبعا دلوقتي مبحبش اشوف العرايس لأن ولا حاجه اتعملت زي ما انا عاوزه
هاهاهاهاهاهاها
و اهو كله بيتنسى
السنين عدت
و قدمنا
و الناس بتنسى العروسه القديمه وتتكلم عن الجديده.. و حيتقفل عليكم باب و حياتكم حيكون فيها حاجات اهم من الفستان و القاعه و البوفيه
الف مبروك
At 3:30 AM ,
Anonymous said...
سلام عليكم
ازيك يا احمد؟
اولا: اهنيك علي البلوج تاعك حلو قوي
ثانيا : البوست جميل جدا وعاوزه اقول راي هو اني باعتقد ان نظم الافراح اللي شغال دوقتي واللي انت وصفته في طريقه الي الزوال لان فعلا فيه نس كتير اعرفهمفي الفتره الاخيره فضلوا انهم يعملوا فرح صغنون ويسافروا يقضوا شهر العسل بره
والله الفكره دي ابتدت تنتشر جدا
ومبرووووووووووك الف مبروووك وربنا يتمملكم بخير ويسعدكم
At 11:55 AM ,
Anonymous said...
والله كأنك لغوصت في عقول الشباب وطلعت الكلام العسل ده ... فعلا .. تقولي بتكره ايه في المناسبات الاجتماعية كلها اقولك بأكره الأفراح .. فعلا حكاية مملة ومالهاش اي تبرير غير - عقلية القطيع - اللي ما بتخليش الناس تفكر في اي سكة تانيه غير اللي موجود
تحياتي
At 3:47 PM ,
salateenoo said...
العزيزة الــ (فريدة):
والله برافو عليكي ...انا برده كنت بفكر كده ... ان الفرح مهما كان كبير ومتميز ...بعد كام يوم هيتنسي...وهتبقى الذكرى الوحيدة شريط فيديو وحبة صور ...ويا أفراح اتكلفت عشرات الألوف ...وأصحابها اطلقوا بعد كام شهر... وبقوا يلعنوا اليوم اللي اتجوزوا فيه .. يعني المسألة كلها حبة تفاهم وحب ...هوة ده المهم ...
الآنسة شعنونة المبقوقة :
أولا الله يبارك فيكي وعقبالك كدة لما نشوفك متجوزة ومتشعننة بجد بقى ...
ثانيا : انا معاكي تماما في مسألة السفر دي ... وانا عن نفسي لولا ان الجو شتا وبرد طحن كنت هسافر تركيا ...بس طبعا في السقعة دي مفيش قدامي غير الغردقة أو شرم الشيخ
Barracuda :
مش كدة برده !؟
At 9:10 AM ,
Anonymous said...
على فكره خطيبتك لو شافت البوست دا اكيد حاتقتنع انك عندك حق الا اذا كنت تغير و تعمله امريكان
hehehehe
انا مش عايز افتح عليك فتحه علشان انا عارف هما لما بيصدقواوعايز ابلغك تحياتى علشان انت فعلا دمرت فكرة الفرح الى كان فى دماغى
!!!!!!!!
At 1:26 AM ,
salateenoo said...
thank you Epitaph.. iam honored to have you here :)
i was intending to make something like your advice.. insha2allah ,,she will like it :)
At 9:19 AM ,
Jannah said...
MashAllah GREATTTTT NEWSSSSSSS Ya Salateeeeno!!!!
Your fiance is so sweet & sensitive... she deserves all what is good wallah... I'm sure you can make her happy even more than the other brides. Just plan it romantically and she'll love it inshAllah!!!
Alf mabrook ya Salateeno,
بارك الله لكما و بارك عليكما و جمع بينكم فى خير
At 4:05 AM ,
salateenoo said...
Jannah :
Thank you jannah , its good to have you back .. 3o2baalek
At 3:44 PM ,
Anonymous said...
انا غير اني عجبتني المقاله اوي ولاول مره اراسل جريده وعجبني ان في ناس فعلا بتاخد بالها من الروتين الممل بتاع الفرح وبتحلل تصرفات المعازيم والدي جي والمسؤلين عن القاعه وجيت عامله نفسي الوحيده اللي هاتعبرك لقيت 44 تعليق وفوجئت ان مقالك ده حقيقي انا فاكراك بتهزر بمعني انك مش خاطب فعلا وهو ده اللي مزعلني مش تستناني مش يمكن كنت تلاقي احسن منها او كنت تكتب بدري كنت يمكن الحقك دينا
At 9:55 AM ,
sara said...
http://www.youtube.com/p.swf?video_id=rH2nNt1s5pk&eurl=http%3A//dubaiguy78.blogspot.com/2007_01_01_archive.html&iurl=http%3A//sjl-static12.sjl.youtube.com/vi/rH2nNt1s5pk/2.jpg&t=OEgsToPDskKA1cqUhM2yeK-xWYaxjTNk
At 2:30 AM ,
Anonymous said...
Right here is the perfect web site for anybody who wishes
to find out about this topic. You realize a whole lot its
almost hard to argue with you (not that I really would want to…HaHa).
You certainly put a new spin on a topic which has been written
about for a long time. Great stuff, just excellent!
Look into my blog post ... costs of dental implants
At 4:19 AM ,
Anonymous said...
An intriguing discussion is definitely worth comment.
There's no doubt that that you ought to publish more about this subject matter, it may not be a taboo subject but usually people do not speak about such issues. To the next! Best wishes!!
my web page ... lingyu.cc
Post a Comment
Subscribe to Post Comments [Atom]
<< Home