MeMoRiEs

Wednesday, September 27, 2006

يوميات رمضانية



مر يومان على هذا الشهر الكريم ولم أستطع بعد ان انفذ أي من الوعود التي قطعتها على نفسي , فلم أبدأ بعد بقراءة القرآن الكريم , ولم أذهب لصلاة التراويح حتى الآن وهذا امر يحزنني تماما.

نعم لقد كانت لي أعذاري ولكن ما هذه الأعذار التي تجعلني اتخلف عن إقتناص كل هذه الحسنات التي وعدنا الله بها في هذا الشهر الكريم . لا أدري لماذا يعاندني القدر هكذا في أمور الخير مع انه كان يسايرني جدا في أمور الشر التي كنت أسعى إليها دوما دون إكتراث.

في يوم الرؤية حدثت لي حادثة مروعة بالسيارة وانا مسافر الى محافظتي لكي أفطر اول يوم من رمضان مع أسرتي ,والحمد لله لقد نجوت منها بأعجوبة ولكن السيارة تضررت كثيرا ولكن الحمد لله في السراء والضراء.


في ثاني يوم رمضان بعد ان احضرت أفطارا من مطعم يعتبر من المطاعم المشهورة وذات السمعة الجيدة , ذهبت إلى البيت وحضرت المائدة وانتظرت موعد الإفطار وقلت لنفسي هذه هي الفرصة فلتبدأ الآن فمسكت المصحف وبدأت بالقراءة إلى ان أذن المغرب , فجلست أأكل معاهدا نفسي أن أذهب لصلاة التراويح إبتدائا من اليوم , وبعد الإفطار بقليل جائني مغصة رهيبة كنت أشعر انني احتضر وأرتفعت درجة حرارتي كثيرا ولم أدري ماذا أفعل, إستسلمت لسريري وحاولت أن انهض لكي اذهب لأي صيدلية لأاشتري اية أدوية ولكن هيهات ..الألم كان يعتصر معدتي.


إستسلمت للنوم ولم أصحوا إلا في الساعة الثالثة أي قبل الفجر بساعة وكان الألم قد هدأ نوعا ما, نزلت إلى الشارع وإبتعت علبة عصير لكي اشربها على السحور , فلم أكن أقوى على أكل شيئ. بعد أن شربت العصير أستسلمت للنوم مرة ثانية آملا ان أصبح اليوم التالي أفضل حالا.


أصبحت أفضل حالا من ناحية الألم ولكني أحسست أن درجة حرارتي مرتفعة وذلك لأني اشعر بالبرد في هذا الجو الصيفي, تحاملت على نفسي وإرتديت ملابسي لكي أذهب إلى العمل , فكرت مرارا ان أتصل بهم وأعتذر عن الحضور في هذا اليوم ولكني فكرت ماذا سأفعل لو جلست في المنزل لا شيء , فذهبت للعمل


واليوم انا أفضل حالا بكثير واتمنى من الله ان يساعدني على قراءة القرآن وصلاة التراويح والتهجد وما الى ذلك من نفحات رمضان الروحانية .

13 Comments:

  • At 2:15 PM , Blogger Jannah said...

    قدر الله و ما شاء فعل فى اللى حصل فى اول يومين

    بس معلـــــــش

    فاضل ان شاء الله 26 يوم بحالهم تقدر تبدأ كل اللى وعدت نفسك به
    وقول دايما يا رب ساعدنى و ارزقنى علو الهمة فى الطاعات و ارض عنى

    اهم حاجة انك تبدأ تانى و ما يهمكش, والف سلامه عليك

    يا رب تكون معنوياتك احسن و تطمنا على رمضانك, ربنا يبلغك رمضان لأخره وهو راضى عنك و عنا و كل الناس

    :):)

     
  • At 3:16 PM , Blogger شيماء زاهر said...

    حمد الله ع السلامة الأول..ورمضان كريم..
    وإن شاء الله يعني تقدر تعمل كل إللي إنت عايزه ..ده ربنا كريم :)

     
  • At 6:59 AM , Blogger still breathing said...

    thats why u should always do ur best when u r healthy coz u never know if u'll be lucky enough the next day or not.

    Salmtak alf Salama :)

     
  • At 7:15 AM , Blogger salateenoo said...

    Jannah :

    شكرا جزيلا على الدعاء...اللهم آمين .


    shaimaa :

    فعلا ربنا كريم..يكفي ان الله ..انقذني من حادثة مروعة كل من يسمعها يقول انخا كانت موت محقق لولا رحمة الله بي ..وهذا ليس بغريب عن الله .

    ٍstill Breathing :

    الله يسلمك... شكرا ليكي جدا
    وفعلا كلامك صحيح جدا ...المفروض الواحد يستغل صحته في عمل الخير والطاعات قبل ماتروح الصحة وتروح فرص الأعمال الصالحات

     
  • At 11:22 AM , Blogger sahar said...

    عادي المغص ده في الأول لاننا لسه فبي اول الشهر الكريم بس بكرة تبقي احسن إن شاء الله وانا فعلاً معاك إن اليوم في رمضان مابيتعوضش في صلاته وقيامه بس ربنا يقوينا علي الحر ده انا اول يوم نسيت وشربت مية من زمزمية ابني في الشارع كمان وكنت فرجة

     
  • At 2:39 PM , Blogger rony said...

    السلام عليكم
    اولا كل سنه وانت طيب ...والف سلامه عليك وبعدين لسه بدرى على رمضان وربنا يسهل ان شاء الله وتصلى وتقرأ قرأن زى ما تحب بس طبعا افتكرنا بدعواتك
    اممكن اسأل سؤال يعنى محرج شويه؟؟؟
    انا قعدت كده اقرأ شويه الموضوعات اللى انت كاتبها على الاقل الشهر ده _تسعه اقصد_وبعدين مقدرتش افهم التوجه بتاعك...يعنى مثلا نقدر نقول انك بتعارض تحرير المرأه اللى انا شايفه انها حركه اسمها غلط علشان المرأه عمرها ما كانت قرد فى قفص علشان نحرره...ولا مش عاجبك مثلا انهم يقولوا كلنا ليلى...كانوا المفروض يقولوا كلنا حريم بس الحقيقه هى كلمه عفا عليها الزمن وشكلها مش عاطفى خالص
    وبعدين اللى بتطالب انها تتأخر بره من باب الروشنه دى متكلمناش عليها بس اعتقد ان لينا على الاقل حق الخروج من البيت...ٍساعات يعنى بس مش معنى كده اننا ننحرف مثلا وبعدين برضه المجتمع بيلوم المرأه على انحراف شخصيه الراجل..طب نقطع نفسنا يعنى ولا ايه؟؟
    ما علينا من كده وهى برضه وجهات نظر بس مفهتش برضه حكايه المدونات بتحبها او مش طايقها ...وبعدين انا ليه ادخل اكتب اللى الناس عايزه تقراه ليه مكتبش اللى انا عايزه الناس تعرفه واكيد مش هاروح افضح نفسى واكتب يومياتى اون لاين كده بس هو نوع من التعبير عن الرأى والتفكير مش عن الشخصيه...طولت عليك صح بس وربنا مش بهجمك وربنا كمان مش بعلق عندك علشان الناس تدخل تعلق عندى...والله مابتفرق معانا...متزعلش بس انا يعنى عصبيه ومجنونه شويه
    كل سنه وانت طيب

     
  • At 12:19 AM , Blogger LAMIA MAHMOUD said...

    قدر الله وما شاء فعل
    رمضان لسه في اوله الحق نفسك وكمل لبعد رمضان
    كل سنة وانت طيب

     
  • At 12:55 AM , Blogger salateenoo said...

    sahar :

    انا معاكي ان تغيير النظام الغذائي ممكن يسبب مشاكل في اور رمضان ...وبالنيبة للحر ...حدث ولا حرج ..انا تاني او تالت يوم رمضان كنت بأحتضر من العطش ...كنت ماشي في البيت قاحد أقول أحد أحد ...لح ما ربنا فرجها والمغرب أذن ...ويتهيألي اليوم ده انا مكلتش فيه ..انا قعدت أشرب مية وعصاير لحد ما المية تقريبا خرجت من وداني..

    rony :

    اولا : وإنتي طيبة والله يسلمك :)

    نيجي بقى للكلام الكبير والأسئلة المحرجة :
    انا متفق معاكي جدا ان البلوج بتاعي ملوش توجه معين ...ودي حقيقة باينة زي عين الشمس وده يمكن لعدة أسباب :

    أولا انا كنت عامل المدونة عشان أكتب ذكريات قديمة عزيزة على قلبي جدا ...لأنها شكلت في تكويني النفسي والإنساني بطريقو مؤثة جدا جدا ... ولكن بعد ما بدأت أكتب رجعت في كلامي .. مخبتش أنشر الذكريات دي على الملأ علشان في ناس وشخصيات انا بحبهم مش عايزهم يكرهوني لما يلاقوني كشفت أسرارهم...

    ثانيا ..انا شايف ان مش شرط أساسي ان يكون للبلوج بتاعي توجه معين أو خط أفكار معين عشان يكون كويس ...بالعكس ...انا شايف ان البلوج المتنوع بيكون أفضل لأنه بيكون زي مجلة متنوعة ممكن الواحد يلاقي فيها مواضيع كتيرة ....ممكن كتير من المواضيع دي متهموش بس أكيد في موضوع واحد ممكن يحب يقراه .. وبعدين يتهيألي شيء جميل لما تحسي انك لو حاسو انك عايزة تكتبي حاجة تروحي كاتباها على طول .. مش لازم تشوفي الأول إذا كانت متناسبة مع الخط الدرامي بتاع المدونة بتاعتك ولا لأ.

    بالنسبة لموضوع كلنا ليلى...انا بس بهاجم كل اللي بيقولوا ان المجتمع والرجالة ظالمي المرأة ... لأن المرأة لا مؤاخذة واخدة حقها تالت ومتلت ..ورابع ومربع كمان ...يعني الموضوع ده قديم قوي ...ملوش ان احنا نتكلم في سنة 2006 ...

    وبالنسبة لموضوع المدونات :
    انا بس مش عايز اليلي يعمل مدونة يفتكرها مثلا زي جريدة الأهرام والدستور ...وإن الناس مش هتقدر تعيش من غيرها ...ويفتكر نفسه بقى أبراهيم عيسى ويقعد ينقد وينتقد عما على بطال ...كل اللي انا بقوله ...بلاااااااش تكلف في الكتابة ....إكتب اللي انت عايز تكتبه وبس

    انا طبعا طولت عليكي ...بس انتي اللي ابتديتي وكتبتيلي تعليق طويل ..وانا عندي المعاملة بالمثل ...وكله من داا يا روني ...ولو كتبتي سطر هكتب فقرة ...كتبتيلي فقرة هكتبلك صفحة ..
    ياللا سلام... :)

    Lamiaa Mahmoud:
    وانتي طيبة يا لمياء وان شاء الله نلحق نعوض اللي فاتنا في هذا الشهر الكريم

    وكل عام وانتي بألف خير

     
  • At 4:58 AM , Blogger rony said...

    احنا شكلنا هانخسر بعض من قبل مانعرف بعض والله
    والله انا مكنش قصدى يعنى ان الواحد يفتكر نفسه ابراهيم عيسى لا سمح الله...كفايه علينا ممتاز القط ....بس يعنى انت بتكتب والناس اللى ليها الحق فى انها تصنفك تبع اى فئه من الكتاب ...يعنى عندك مثلا على حسب تصنيفاتى الناس اللى لازم اقرالهم اول ما ادخل والناس اللى ممكن اقعد كام يوم عارفه انهم مش هايغيروا حاجه فى مدوناتهم والناس اللى عارفه تغيرهم فيها مش هايفيدنى فى حاجه بس المهم انى لازم ادى للناس الحق فى تصنيفى وده السبب اللى بيخلينى اهتم بالتعليقات والرد عليها واشوف كده انا غلطت فى ايه وصح فى ايه واهو كله تعليم بدل اللى اتعلمته كله وذهب مع الريح...ولا انت ايه رايك؟؟
    وبعدين لمعلوماتك انا رغايه جدا والناس ابتدت تشتكى من كده انا اه معرفش حد كتير هنا فى المدونات بس السبب فى دخولى ممكن يقولك انى رغايه بالكهربا..وعادى ياباشا طول براحتك

     
  • At 5:21 AM , Blogger salateenoo said...

    العزيزة روني :

    انا كتبت "العزيزة" عشان تعرفي ان احنا مش هنخسر بعض لا سمح الله ولا حاجة..

    وبعدين انا مكنتش أقصدك إنتي لما قلت فاكر نفسه إبراهيم عيسى ...انا كنت بقصد ناس كتير بشوفهم في عالم التدوين..

    ويتهيألي كل واحد ممكن يصنف التصنيف اللي بيعجبه ..يعني انا مثلا ..بحب اقرا مدونات بعينها ...سواء كان بيكتب كل يوم أو كل شهر او كل سنة حتى.....

    وسبب تاني يخللينا منخسرش بعض...لإننا بلديات...أصل انا من الفيوم برده...
    انا لسة واخد بالي من البروفايل بتاعك....

    وعموما انا ليا رأي في موضوع التدوين والبلوجات عموما...هكتبه في بوست قريب ان شاء الله

    وشاكرين مهللين للمرور الكريم

     
  • At 4:32 PM , Blogger rony said...

    الفيوم...ياه الكتاكيت بتحن لبعضها يارجاله
    ياباشا يشرفنا ان حضرتك طلعت بلديتنا بس اوعى تكون انت صاحب محمد هشام بتاع الفيوم يبقى ياعينى الولد كده محاصر
    وان شاء الله مفيش حد هايخسر حد والمثل بيقول كتكوت على كتكوت ميبضش

     
  • At 9:14 PM , Blogger Gun Barrel Kalashnikov said...

    Rabena Yekremak, I know it is too late, bas I mean I got to realize that there are good people out there on the blogosphere too late, when I have been instead watching blogs that attack Islam and 7egab and Ramadan and it left me with too much pain lately...

    So el7amdolelah en fee nas mo7tarama out there... Kol sana wenta tayeb and I hope you did what you wanted in Ramadan and I of course hope you do better in the days to come...

    Happy Eid...

     
  • At 7:20 PM , Anonymous Anonymous said...

    Solar eneragy is the future for the world.
    [url=http://www.solarcourses.org/]solar generators[/url]

     

Post a Comment

Subscribe to Post Comments [Atom]

<< Home