MeMoRiEs

Sunday, September 10, 2006

نحن النسوة



طبعا أغلب الناس سمعت عن بلوج " كلنا ليلى " وهو حاجة كدة زي حركة
بناتية ولا اقول نسائية ....لأن أغلب مؤسسين الحركة بنات...واليومين دول البنات مش بيحبوا يتقال عليهم نسوة ولا نسوان ولا حريم...مش عارف ليه بالظبط..مع إنها ألفاظ بتوصفهم وليس ألفاظ تنقص من قدرهم .. ما علينا ...المهم إن حركة " كلنا ليلى " بتوصف مدى بشاعة وقسوة المجتمع الذكوري اللي بيظلم البنت من لحظة ولادتها وحتى لحظة وفاتها مرورا بالمدرسة والكلية والجواز ...إلخ إلخ.....


وطبعا كل البلوجيات المبجلات ..مكدبوش خبر ...وكل واحدة فيهم كتبت بلوج محترم...يمكن يكون أطول بلوج كتبوه في حياتهم البلوجية المديدة ... وكل واحدة أسهبت وفصلت وتعرضت لكل مراحل العذاب في حياتها كأنثى.. وكانت دايما في حاجات مشتركة دايما في كل بلوج بقراه من نوعية :


- اشمعنى ملعبش مع الولاد وانا صغيرة

- ليه اخويا الولد بيسهر ولنل مش بسهر براحتي

- لي مش من حقي أرجع البيت بالليل متأخر .

- لي مش من حقي ان أعمل علاقات واحب ولاد قبل الجواز

- ليه دايما نجاح البنت باهت مهما كان كبير


وحاجات تانية كتير قوي من العذابات المتواصلة ..... انا بصراحة مش عارف أقول ايه .انا كنت هعييط وانا قاعد أقرا الكلام ده.......انا ليا تعليق يمكن يكون غريب او متخلف في وجهة نظر كتير ...بس هقوله وأمري لله ...


البنت دايما عندها إحساس بالنقص عن الراجل .. ليه ..؟


لإن فعلا هية دي الحقيقة البنت فعلا ناقصة عن الراجل في حاجات.... هية حاجات مش كتير ...زي إيه ...زي مثلا بنيان الجسم ...البنت أضعف من الراجل ودي حقيقة علمية محدش يقدر ينكرها.... حتى لو كانوا همة الإتنين في نفس الجسم ...لكن أكيد الغلبة الجسمية دايما للراجل ....دي حاجة


الحاجة التانية ..البنت اعصابها أضعف من الراجل بكتير ...ودي بقى خلقة ربنا...منقدرش نعمل فيها حاجة .... ودايما الدموع عندها قريبة ... مش زي الولد...اعصابه غالبا بتكون أنشف ...ومشاعره يقدر يمسكها كويس .....


لكن في المخ والتفكير ...الشهادة لله....الإتنين زي بعض ...يعني قصدي ....منقدرش نقول البنات أذكى....أو الولاد أذكى ....لإن المخ ده هوة الحاجة اللي ربنا ساوى فيها بين كل البني آدمين ....عشان يكونوا كلهم مكلفين ...يعني يوم القيامة كلهم سواء ...لأن الاتنين مخهم واحد.....مفيش جنس هيكونه حسابه مختلف عشان مخه تعبان عن الجنس التاني .....


طيب لو فرضنا ان في أب سمح لبنته انها تخرج بالليل متأخر....هتكون ايه النتيجة...تحرشات كتيرة جدا ....يمكن توصل لمحاولة التطاول باللمس أو الجذب ....أو حتى الخطف ....حتى لو كانت لبسها محترم....ليه ...لأن المجتمع بتاعنا مجتمع مبقاش فيه قواعد تحكم سلوكه ... يعني مبقاش الحجاب معناه الاحترام ...لا ده ممكن يكون قناع عشان البنت تعمل اللي هية عايزاه...ودي نماذج كتير بدأت تظهر دلوقتي....طبعا هية حالات مش كتير ...بس بتكون باينة قوي ... المشكلة ان الأهل فهموا البنات الحجاب غلط .... هو مجرد غطاء للرأس.....تييجي البنت من دوول تروح مغطية راسها من غير ما تعرف ايه اللي مفروض تعمله وايه اللي ميتعملش.....ايه الصح وايه الغلط.....عشان كدة تلاقي المناظر اللي بتشوفها على كورني المنيل والمعادي ...أو في أي ركن ضلمة .... والواحد يشوف المنظر ... ويكون عايز يشد الطرحة من فوق راس البنت لإنها ملهاش لازمة ......


ناس هتقوللي طيب ليه الولاد تعمل كدة أصلا ...مفيش تحضر ...مفيش تقدم ....طبعا هرد عليهم بحاجة واحدة ....بصوا برة في الدول الأجنبية اللي عندهم التحرر على أشده ...وعنهم بنات الليل ممكن ييجوا ديليفري لحد البيت ....بس برده عندهم تحرش جنسي ...سواء في الشغل او الشارع ..او حتى في البيت من أهلهم.....وطبعا جرايم الإغتصاب على ودنه ....يعني برده لا نفع معاهم تقدم ولا حضارة ولا يحزنون.....


المشكلة جوانا احنا....جوانا كمجتمع مش عارف يربي ولاده ولا بناته....
...


أنا حاسس ان الموضوع وسع مني ....وفي حاجات كتير جوايا عايز أكتبها......فهكمل بعدين

5 Comments:

  • At 12:40 PM , Blogger Veeeva said...

    we r created differently coz we have different tasks. period.

    have u read all the posts? have u read mine?

     
  • At 11:39 PM , Blogger salateenoo said...

    Still Breathing :

    i replyed you in your blog

     
  • At 12:27 PM , Blogger Jannah said...

    Still breathing,
    I think your post was one of the very few FAIR posts I read about this kolena layla thingy.

    Salateeno,
    الحاجات اللى انت قولت عليها فيها نقص عن الراجل و دى حقيقة, انا مش بشوفها فى نفسى نقص, لكن بشوفها ميزة و جمال. فعشان كده اى بنت يجيلها احساس النقص عن الراجل لازم تعرف انها مش فاهمه نفسها صح...

    السيدة حواء قالت لأدم لما سألها جيتى ليه؟ قالت له: لأسكن إليك, فطبيعى السكن ده هييجى من واحدة عواطفها رقيقة و جسمها اقل منه. وهو الراجل بيلاقى السكن فى ده. فعلا مش طبيعى ان البنت تشوف نفسها اقل.

    وانا لو عندى أخ بيتأخر برة هبقى مش عايزه اقلده, بالعكس هقول له انا بنت يا بنى, مش انا اللى اسهر برة و اجى فى نص الليل... لكن انا اقعد فى البيت معززة مكرمة.

    معلش لو رأيى كتبته طويل بس فعلا كلامك عجبنى

     
  • At 6:17 PM , Anonymous Anonymous said...

    خوفا على نفسي من فتنة الحريم اخر الليل ومن المشاكل ...قررت ان اتعرف على فتاه جامعية من اجل الزواج خاصة وان فتره الدراسه مطوله صح !! ماكو احسن من الحلال
    خليجى طالب فى جامعة القاهرة كلية الحقوق سنة اولى مستجد يطلب التعارف مع بنت جامعية جميلة ومحتشمة ويفضل ان تشاركنى السكن مجانا للدراسة والسوالف وقت الفراغ بريدى
    zawaj2@yahoo.com
    lusts2002@hotmail.com

    http://iloveyou2000.blogspot.com

    http://q8topic.blogspot.com

     
  • At 3:55 AM , Anonymous Anonymous said...

    i really liked ur post.. i agree with it.. of course, there is some gender injustice in our society, bas khebet el mogtama3 aktar men keda anyways..

    and sorry for commenting on ur blog to someone else, but el shab el khaleegy el lateef da, 7ad ye2olo yelem karakeebo we yerga3 balado, if i knew where he lived i would have sent baltageya or something

     

Post a Comment

Subscribe to Post Comments [Atom]

<< Home