هتجوز...هااااااااتجوز
خلاص...بعد يومين بالتمام والكمال ...هكتب كتابي....أي سأصبح متزوج فعلا ...ولكن مع إيقاف التنفيذ....ومش عارف ...هل المفروض إن اللي داخل على موضوع الجواز زيي كده ...يحس بحاجات معينة....انا طبعا أكيد فرحان ...لإني بحب خطيبتي جدا...لكن مش دي المشكلة ...المشكلة إني مش حاسس بحاجة غريبة ....مش المفروض اللي كتب كتابه يقرب ...يحس بحاجة غريبة غير الأحاسيس بتاعة كل يوم...ولا أنا بيتهيألي ..ولا يمكن عشان انا وخطيبتي واخدين على بعض قوي ....وحط تحت قوي دي 10 خطوط....ولا يمكن عشان انا وخطيبتي ...متفاهمين ...وبنعرف نحل أي مشكلة بتحصل بينا بمجرد مناقشة بسيطة وصراحة جامدة ممكن تكون صادمة في بعض الأحيان...مش عارف ..حقيقي مش عارف...طيب ولا يمكن دي حالة من حالات اللا مبالة اللي دايما بتجيلي قبل أي حدث مهم بيحصللي في حياتي...برضه مش عارف....ولا يمكن دي وساوس بتلعب في دماغي ...وتقوللي ..خلاص ..مفيش عزوبية ...مفيش إنطلاق ...مفيش حرية.....ولا ...ولا....عموما....انا مبسوط إن حالتي الإجتماعية ...هتتغير من أعزب إلى متزوج....وأكيد....الحياة قبل الجواز حاجة ...وبعدها حياة تانية خالص....كل حاجة بتتغير ...يمكن أنا نفسي أتغير ...مع إني مش بحب التغيير....يمكن أستغرب نفسي ...أو يمكن معرفنيش ...أو يمكن ...انا هفضل زي منا....عموما كله في علم الله.....وعقبال الجمييييييييييييع
posted by salateenoo @ 5:42 AM
15 Comments:
At 7:22 AM ,
Ghada said...
مبرووووك يا أحمد!
بقى كده مانعرفش غير م البلوج؟
دي جيرة إيه الهباب دي!
:))
وبعدين لو مستعجل ع القلق يا سيدي، هاتقلق وإنت ماسك القلم وبتمضي ماتقلقش!
مبرووووك مرة كمان
:)
At 7:31 AM ,
salateenoo said...
الله يبارك فيكي يا غادة وعقبال عندك إن شاء الله ...عشان أكزن أول واحد يزغردلك..:)
انا مستغرب انتي أزا معرفتيش...مع إني جيت عندكم البارتيشن..وعملت إعلان للجميع....عموما أهو الواحد إكتشف فايدة تانية للبلوجز...:)
At 3:07 PM ,
soha said...
ساعات لما الواحج يكون داخل علي خطوة كبيرة و منتظرها من زمان بيحصل حاجة من 2 يا اما بيتوتر و حالته تبقي حالة يا اما بيكون زيك كده بس برضه بيتوتر لحظتها
ربنا معاك :)
At 1:40 AM ,
salateenoo said...
zoro:
أكيد هعزمك مدام الموضوع هيوصل للفلامنجو :)
soha:
هوة يمكن توتر فعلا زي ما بتقولي ..أو ترقب...يمكن ترقب ...لما الواحد يبقى ناوي يعمل حاجة و عارف إنها هتغير حياته ...بيبقى نفسه يسبق الزمن ب أربع أو خمس سنين ...عشان يشوف نفسه بعد الخطوة الرهيبة دي ايه ؟؟
هموما متشكر لمشاركتك...وربنا معانا جميعا
At 12:56 PM ,
Nesrina said...
ما شاء الله، ألف مبروك ... ربنا يبارك يا رب :)
At 2:41 PM ,
Shaimaa Zaher said...
ألف مبروك يا أحمد..وفي إنتظار المدونة القادمة بعد كتب الكتاب إن شاء الله
:)
وسلام كبير للعروسة إللي هي محظوظة طبعا (أحم) ..مبروك كمان مرة..
At 9:01 PM ,
أجدع واحد في الشارع said...
مــــــــــبــــــــــروك
At 5:41 PM ,
farida said...
ايه الاخبار الحلوه دي
مبروك
مبروك
مبروك
بص انا قبل كتب كتابي محسيتش بحاجه رغم اني صممت اكتب كتابي في اليوم اللي شفت فيه جوزي لأول مره ووقعت في حبه
و يوم جوازي برضه كنت عادي كنت متوتره بس كنت لوحدي طول اليوم بمنتهى الثقه و قوة الشخصيه
و لما بفتكر ده دلوقتي بتمنى لو كنت استمتعت باللحظه بشكل مختلف
استمتع باليوم يا حماده.. استتع بالاحساس على قد ما تقدر
الجواز مش قيد.. الجواز رغم انه مختلف
و رغم ان اللي بتكلمك تعبت جدا في الاول رغم كل الحب.. لكن برضه حقولك بمنتهى الثقه.. ان الحب ده بايدينا و الجواز ده اجمل حاجه في الدنيا
اتنين.. بيفضلوا اتنين لكن ملتحمين في جزء .. هو الجزء اللي دوبته العشره و الايام و ربطتهم بيه ببعض
الجواز حاجه مختلفه تماما عن اي حاجه عشتها .. تجربه في رأيي تستحق ان تعاش بكل مساؤها قبل محاسنها حتى لا قدر الله لو انتهت بالفشل
و اللي متجوزش عبيط و اللي محسش حلاوة الجواز اعبط
ربنا يهنيكم يارب
و عذرا للاطاله
At 5:04 AM ,
كلبوزة لكن سمباتيك said...
ولولولولوللولولولوليييي
زغروطة مدوية للعروسين
و الف مبروك
ربنا يسعدك
انا عارفة طبعا انك مش فاضي تدخل المدونة و لا ترد علي حد بس معاك عذرك
ربنا يسعدك
عجبني قوي رد فريدة
خالص تحياتي
At 4:04 AM ,
الأميره أوسه said...
لوووووولوووو
زغروته حلوه رنت فى بيتنا ياولاد حارتنا
لوووووووولووووووووووووو
معلش مش بعرف أزغرت
مبروك يأحمد
ربنا يكرمك يارب
At 1:46 PM ,
Maat said...
lool
mabrook :)
At 4:27 AM ,
Яαgιи Яαvєи said...
الف مبروك يا ريّس... جت متأخّره بس لسّه شايفها.
آدي واحد منّنا وقع يا رجّاله.
فاضل كام؟
عدّوا و ابقوا صحّوني.
At 4:27 AM ,
Unknown said...
Mabrook ya za3eem, like your post in reply to Laila and her sisters...
At 5:15 PM ,
ahmedbms said...
هاتتغير للاسوأ
At 5:20 PM ,
ahmedbms said...
هاتتغير للاسوا
Post a Comment
Subscribe to Post Comments [Atom]
<< Home