MeMoRiEs

Saturday, October 14, 2006

كنت قاعد اتفرج على الإخوة البلوجرية وهما هاريين بعض تاجات, ومع اني مش عارف يعني ايه تاج أصلا , بس كنت حاسس انه حاجة حلوة, بما ان الناس شغالة بتبعت لبعض منه على طول .

وطبعا لإني بلوجاوي غلبان ...مكانش فيه حد بيفتكر يبعتلي أي تاج ...ولا حتى نص تاج...لكن معلش اللي يصبر ينول ...المهم لحد ما تعطفت عليا الصديقة العزيزة البلوجية المحترمة نسرين بتاجين مرة واحدة ...مش قولتلكم اللي يصبر ينول , والتاجين عبارة عن سؤالين : إيه هما أحسن حاجات بحبها ...وإيه الحاجات اللي بتكرهها:

تعالو نشوف مع بعض ايه الحاجات اللي بحبها :
1. أشوف نظرة حب في عيون الإنسانة اللي انا مرتبط بيها
2. أشرب شاي بعد الأكل على طول
3. أسيب التليفيزيون شغال وانا نايم
4. أسمع مزيكا جديدة
5. القيادة السريعة
6. آكل أكلة جديدة ..حتى لو معجبتنيش
7. انام 7 ساعات على بعض ...طبعا ده نادر جدا
8. أشتري لبس جديد
9. أخرج مع أصحابي
10. أحضر حفلات مزيكا حلوة
11. أتعرف على حد جديد سواء ولد او بنت
12. أسافر إسكنرية أشوف أصحابي اللي هناك
13. أتمشى في الشارع مسافات طويلة
14. ألعب كورة وده بقى نادر الأيام دي برضه
15. التجمع الأسري الدافئ مع عائلتي في محافظتي (الفيوم)
16. أعمل حاجة جديدة في شغلي
17. التصوير(هواية جديدة )
18. أكتب في البلوج

كفاية كدة ..يعني ودول برده مش بالترتيب ....انا كتبت اللي جه على بالي على طول

أما الحاجات اللي بكرهها فهي :
1. الكدب
2. الزن...محبش حد يزن عليا
3. التجاهل طبعا
4. التقليل من شأني او التقليل من حاجة انا عملتها
5. الإهمال عموما وفي الشغل خصوصا
6. التلاعب بمشاعر الآخرين
7. التأخر في المواعيد ...بكرهها جدا جدا
8. التسلط الغير مبرر
9. العربية تعطل وانا مسافر
10. النكد
11. الفراق...سواء كان حبيب أو صديق أو حتى أي واحد كنت اعرفه
12. التقدم في العمر
13. المرض
14. الجهاز يهنج وانا بشتغل وأكون مسيفتش
15. أكوي هدومي الصبح قبل الشغل ...حاجة مملة
16. النور يقطع وانا بتفرج على حاجة متابعها
17. الفشل

وأكرر شكري للآنسة نسرين واحب ابعت هذه التيجان المقدسة لاصدقائي الموجودي على اليمين من الصفحة المكتوب فوقيهم أصدقائي (Friends)

11 Comments:

  • At 6:43 PM , Blogger rony said...

    ياسبحان الله مفيش حد علق على التاج لحد دلوقتى
    يلا حظى بقى
    جميل التاج وجميله ردودك
    ولما تبقى تيجى الفيوم ابقى هات معاك محمد هشام ليه عزومه عندى وشكله هايذلنى بيها

     
  • At 12:44 AM , Blogger salateenoo said...

    والله هحاول اجيب معايا محمد هشام...

    الغريب انا مش عارف ازاي انتي عرفتي اني ليا واحد زميلي اسمه محمد هشام ؟

    وبعدين محمد هشام ما بيصدق اي أجازة ويروح جري على شربين ..

    وبعدين من فيوم لشربين يا قلبي لا تحزن

    :)

     
  • At 7:58 AM , Blogger rony said...

    ياابنى محمد هشام ده عشره عمر انا عرفته من الدستور وبعدين تبادلنا الايميلات وبعدين قالى على المدونات وطبعا من يوم ما عرفنا بعض كان فيه كر وفر ومناوشات كتير اوى وفى مره قالى انه ليه واحد صاحبه من الفيوم...قوم انا لما دخلت عندك انت كاتب ان من اصدقاءك مدونه من نفسى...بتاعه محمد هشام وانت من الفيوم
    يبقى نفهم من كده ايه...انك صاحبه بتاع الفيوم
    شاطره انا مش كده
    وبعدين احنا لازم نديله فكره حلوه عن الفيوم مش نقوله زى شربين وبتاع قوله انها نسخه من بولين...بتاعه فيلم مافيا...او يعنى قوله انها نسخه من شرم ولا الغردقه
    انا لسه فاكره عيد ميلادك...عايز كحك فيه ولا تورته؟

     
  • At 2:39 PM , Blogger salateenoo said...

    بصراحة الزكاوة دي ما تطلعش غير من بنت فيومية أصيلة ...

    عموما تشرفنا يا آنسة را.. ولا بلاش خلليها روني أحسن ... وانا برحب بيكي ككتكوتة جديدة في فضاء الانترنت الواسع ....

    وبالنسبة لعيد ميلادي ... شكلي كدة هقضيه في الشغل ... لحسن انا مطحون جدا..و أحتمال أشتغل أول ايام العيد ....شفتي بؤس أكتر من كدة....

    وشاكرين لكي ذاكرتك الفولاذية (انا بأرر عليكي ) اللي خلليتك لسة فاكرة عيد ميلادي

     
  • At 3:46 AM , Blogger rony said...

    ازيك يااحمد...يارب تكون كويس
    طبعا انت اكتر واحد فى الدنيا دلوقتى بتسمع كلمه كل سنه وانت طيب علشان العيد وعيد ميلادك
    انا زى ماقولتلك غالبا مش هاقدر اكون موجوده بكره قولت الحق اقولها دلوقتى
    كل سنه وانت طيب وعقبال 12349874 سنه

     
  • At 6:42 AM , Blogger tamer afify said...

    إجاباتك على السؤالين بتقول انك

    فنان

    تحياتي

     
  • At 2:01 PM , Blogger Nesrina said...

    أشكرك على استجابتك يا صديقى العزيز و لو انك اتأخرت شوية بس الحقيقة اجاباتك كلها تلقائية و صادقة و افتكرت حاجات أنا نسيتها "العربية لما تعطل و النور لما يتقطع :]
    شكرا مرة تانية و كل سنة و انت طيب :)

     
  • At 9:39 AM , Blogger still breathing said...

    wow! i'm tagged!!

    sorry for being away so long....really missed ur posts....

    do u mind if i answered the Tag here?

     
  • At 3:53 AM , Blogger salateenoo said...

    rony :

    شكرا جزيلا ليكي يا رانا انك افتكرتيني في عيد ميلادي ...

    tamer afify:

    اشكرك يا تامر .. وياريت ...كان نفسي اكون فنان فعلا

    nesrina :
    وانتي طيبة وانا اللي المفروض اشكرك واعتزرلك عن التأخير

    still Breathing :
    you are very welcomed ofcourse .. the blog is all yours :)

     
  • At 12:43 AM , Blogger still breathing said...

    Random things that make me happy:
    Blowing bubbles with bubble gum.

    Hiking and spending money.

    Curling up with small book & read it in an hour.

    Watering fake plants.

    When I've been working out, and someone I know, like a casual friend, comes up to me and says some shit like, "Wow u look GREAT!!" Or something similar. (Sure, they're probably just bullshitting me, because I do the same thing to other people, but it makes me feel like someone is noticing my hard work, and inspires you sometimes to work harder. That rocks. )

    Going to a race track and driving a regular car at high speed.

    Pillow fights.

    Playing kick the can , truth or dare & scrabble (without using real words).

    Balancing something on a cat or tying a thread ending in a match box to a toad's leg.

    Putting a surprize crazy bumper sticker on a friend's car.

    Getting up early and not being tired.

    Burning things with a magnifying glass.

    Going to a candy store, buying a ton of candy and eat them all day.

    Watching kids play - and joining in.

    Eating vanilla icecream.

    Falling asleep the moment I put my head on the pillow.

    Receiving an unexpected email.

    Rolling down a hill.

    Taking candid shots.

    Looking for shapes in the clouds and get to find one.

    Well, there you have it. A list of 20 things that makes life not-suicide inducing.
    *i copied and pasted this from an old post on my blog.

    Things that i don't like:
    mmm..just the ordinary stuff that ever1 hates..like being stuck in traffic or mess or bad smells..etc

     
  • At 6:18 AM , Blogger salateenoo said...

    Still Breathing :

    WoW.. you have interesting habits.. though some of them are realy scary like :
    - Putting a bumper sticker on a friend's car

    - Burning things with a magnifying glass

    Anyway .. sometimes one finds himself eager to do some crazy things just for fullfilling the mad person inside .

     

Post a Comment

Subscribe to Post Comments [Atom]

<< Home