حنين
عندما انتهيت من المرحلة الابتدائية .. ودخلت المرحلة الإعدادية .. كان بداخلي شعور غريب يدفعني لزيارة مدرستي الابتدائية القديمة ...
وعندما انتهيت من المرحلة الاعدادية .. وانتقلت للثانوية .. كان ايضا نفس الشعور الغريب يدفعني لزيارة مدرستي الاعدادية...
وعندما دخلت الجامعة .. كنت اشعر اني اريد زيارة مدرستي الثانوية ... وهكذا كلما انتقل من مرحلة لأخرى في حياتي ,...أشعر بحنين جارف للمرحلة التي سبقتها...
ولكن مع الوقت .. يخبو الحنين للمرحلة ... ويملأ هذا الفراغ مرحلة أخرى ... وهكذا مرحلة تأتي لتأخذ مكان مرحلة ... فأجد أصدقائي الآن .. لم يكونوا أصدقائي بالأمس ...ولن يكونوا أصدقاء الغد..حتى أصدقاء الطفولة ذهبت بهم الحياة بعيدا ..وأصبحوا ذكريات جميلة
...حقا ان الحياة رحلة ...لها محطات ومراحل...لم اكن أشعر او افكر بذلك عندما كنت أصغر من الآن...وأصبح الحنين هو الصفة والسمة الغالبة على إحساسي... حنين لكل شيء ..حنين لكل المراحل السابقة..
posted by salateenoo @ 6:57 AM
13 Comments:
At 9:51 AM ,
Omar Mostafa said...
احنا البلاد والوقت.. احنا الحنين والبعد.. واحنا اللي دايماً بننسى عشان نساع دنيا ماحناش قدها
At 12:20 PM ,
Veeeva said...
its like life is a bunch of many goodbyes..and though u yearn for ppl or places u r glad that u don't have them anymore..at least thats the way it is with me.
At 12:26 PM ,
Anonymous said...
مساء النور يا بو السلاطين...ازيك وازي الحرم المصون ..يا رب تكونو كويسين......انا مش عرفة ارد اقلك ايه الصراحة عالبست دا .....بجد خلتنا نحن لايام الدراسة والحاجات دي..والله فعلا كل منعدي لمرحلة بيبقى في حنين كدة للمرحلة لي فاتت ولي قبلها....كلام جميل ودايما في تقدم..وخلينا نشوفك دايما.....
سلام
At 12:28 PM ,
Anonymous said...
مش عرفة اسمي مطلعشي ليه يا بو السلاطين
At 2:07 PM ,
Shaimaa Zaher said...
ده حقيقي..المشكلة إللي عندي الأيام دي إني مش باحن للمرحلة الثانوية..لأ لحاجة ممكن تكون حصلت إمبارح..أو أول إمبارح وأقعد أفكر إن ليه يا رب ما كنش فيه وسيلة تخليك تسترجع الزمن وتعيشه تاني ..بس الموضوع ده جديد شوية مش من زمان..يمكن لأن الحياة دلوقتي بقت أكثر رحابة و بقيت أمر بجد بلحظات نفسي أستعيدها بس مستحيل طبعا!
صباح التفاؤل وربنا يستر :)
At 12:27 AM ,
salateenoo said...
omar :
معاك حق يا عمر .. دنيا ماحناش قدها
still Breathing :
for me it about ppl .. coz places still there .. i can visit them anytime... but...its empty .. the ppl had gone ...
السيندريللا الحائرة :
ازيك انتي ...كله تكام ..طيب كويس ... يعني انا مش لوحدي اللي جوايا حنين لأيام الدراسة
Epitaph
well, this is Unique, i think that the feeling is realy overwhelming you. BTW, thank you for the Linguistics lesson , it gave me a new angle to think about the word :)
شيماء زاهر
أكيد يا شيماء الحنين دايما بيكون لمرحلة او لوقت بيمثلي حاجات حلوة كتير ... يمكن بالنسبالي.. الوقت د زمان ... وبالنسبالك.. الايام القريبة اللي فاتت .. بس النظرية واحدة :)
صباحك ياسمين :)
At 2:51 AM ,
Nesrina said...
Life is a continuous series of changes and the time that passes never comes again,,,my be that’s what’s make us miss it and creates that longing for it.
At 7:35 AM ,
Doaa Samir said...
لما أول مرة أعرف إنك عامل بلوج.. ولما دخلت ولقيت اسمه
MeMoRiEs
سألت نفسي ليه إنت اخترت الاسم ده بالذات، مع إنه من كتر ما بقى مستخدم فقد معناه وبقى خالي من الذكريات؟؟ لدرجة إني أنا باتجنب تماماً إني أقول كلمة ذكريات دي أبداً... باحاول على قد ما أقدر.. مع إني -زيك- عايشة في حنين غير عادي وغير مبرر في أوقات ما. حنين مش بس للماضي..لأ... أنا حنيني خارج حدود الزمن ومالوش دعوة بامبارح والنهاردة واللي هيكون بكرة وإن كان فيه جزء كبير للمراحل اللي إنت اتكلمت عنها يا أحمد
باحاول إني أركنه على جنب في ذلك الركن القصي جوايا خوفاً من إنه يتملكني.. بس برضه بيجي عليه وقت يزهق من قمعي ليه ويطلع بأي صورة؛ بإني أقلب البيت وجهاً على عقب، في السحارات وفوق البلاكار وفي المطبخ عشان ألاقي مخرطة الملوخية عشان أعملها بيها وأسمع صوتها بدل صوت الماتور! أو أمسك كشاكيل بابا وماما الله يرحمها القديمة اللي لونها أصفر وأقعد أقرأ فيها، أو أهرب من الأسفلت المزدحم وأغمض عيني وأطلع بيها فوق للسما وأشوف الدنيا لما كان لونها أبيض وأسود والشوارع بتتغسل بميه وصابون والخضرة بين كل بيت وبيت، والبسمة بين كل قلب وقلب.... خلاص كفاية كده بقى لحسن الحنين بينمّر على الخروج والوقت لا يسمح
أنا دلوقت عرفت إنت ليه سميت بلوجك "ذكريات. افضل افتكر وحِــنّ يا أحمد، لأننا لو مش عندنا حنين يبقى مش لينا جـدور!د
جميل أووووووي اللي بتفتكره، جميلة أوووووووي الصورة واللي وراء الصورة
(:
At 1:31 AM ,
salateenoo said...
Nesrina :
u r right , specially when that passed time was the happiest days of our life.
دعاء الكروان :
زي ما قلتلك قبل كدة ..ومش هكرر نفسي .. انتي بتأمري الكلمات ..فتطيعك طاعة عمياء لتخرج اقصى ما عندها من معاني جميلة...
على فكرة انا لما شفت الصورة ..كتبت البوست :) عكس اللي كان بيحصل كل مرة
At 3:11 AM ,
Unknown said...
والشىء الأغرب اننا لا نشتاق
لآخر الرحلة
وهو الموت
ولا لما بعده
وهو مصيرنا
الجنة
او النار
والعياذ بالله
رغم كون الموت
هو الحقيقة الوحيدة
فى جياتنا
الحقائق الباقية
نسبية
At 12:54 PM ,
Anonymous said...
7elwa awy el soora.
i have that constant fear that haunts me, the fear of forgetting the memories i had (and will still have..) and waking up one day with nothing too look back to and miss!! as painful as nostalgia can be...3ala ra2y epitaph..it's indispensable. and yeah... it's mostly about the people!
At 4:29 AM ,
salateenoo said...
This comment has been removed by the author.
At 12:40 PM ,
rony said...
مش عارفه ليه قعدت اقرا البوست والتعليقات عليه واستغربت جدا
علشان عمرى ماحسيت بحنين لمدرستى ابدا اه بحن لاصحابى او المرحله الزمنيه المنيله دى بس المدرسه كحيطان وديسكات ومدرسين ومناهج لغيتها من حياتى اه فكراها بس مش بحن ليها
مع ان ليها الفضل الاكبر فى تكوين شخصيتى دلوقتى بس بستغربها اوى وبستغرب انا كنت ازاى كده او بعمل كده
بس الحنين فى حد ذاته شعور جميل...بحن بس لحضانتى وانا صغيره اووووووى
Post a Comment
Subscribe to Post Comments [Atom]
<< Home