MeMoRiEs

Wednesday, September 27, 2006

يوميات رمضانية



مر يومان على هذا الشهر الكريم ولم أستطع بعد ان انفذ أي من الوعود التي قطعتها على نفسي , فلم أبدأ بعد بقراءة القرآن الكريم , ولم أذهب لصلاة التراويح حتى الآن وهذا امر يحزنني تماما.

نعم لقد كانت لي أعذاري ولكن ما هذه الأعذار التي تجعلني اتخلف عن إقتناص كل هذه الحسنات التي وعدنا الله بها في هذا الشهر الكريم . لا أدري لماذا يعاندني القدر هكذا في أمور الخير مع انه كان يسايرني جدا في أمور الشر التي كنت أسعى إليها دوما دون إكتراث.

في يوم الرؤية حدثت لي حادثة مروعة بالسيارة وانا مسافر الى محافظتي لكي أفطر اول يوم من رمضان مع أسرتي ,والحمد لله لقد نجوت منها بأعجوبة ولكن السيارة تضررت كثيرا ولكن الحمد لله في السراء والضراء.


في ثاني يوم رمضان بعد ان احضرت أفطارا من مطعم يعتبر من المطاعم المشهورة وذات السمعة الجيدة , ذهبت إلى البيت وحضرت المائدة وانتظرت موعد الإفطار وقلت لنفسي هذه هي الفرصة فلتبدأ الآن فمسكت المصحف وبدأت بالقراءة إلى ان أذن المغرب , فجلست أأكل معاهدا نفسي أن أذهب لصلاة التراويح إبتدائا من اليوم , وبعد الإفطار بقليل جائني مغصة رهيبة كنت أشعر انني احتضر وأرتفعت درجة حرارتي كثيرا ولم أدري ماذا أفعل, إستسلمت لسريري وحاولت أن انهض لكي اذهب لأي صيدلية لأاشتري اية أدوية ولكن هيهات ..الألم كان يعتصر معدتي.


إستسلمت للنوم ولم أصحوا إلا في الساعة الثالثة أي قبل الفجر بساعة وكان الألم قد هدأ نوعا ما, نزلت إلى الشارع وإبتعت علبة عصير لكي اشربها على السحور , فلم أكن أقوى على أكل شيئ. بعد أن شربت العصير أستسلمت للنوم مرة ثانية آملا ان أصبح اليوم التالي أفضل حالا.


أصبحت أفضل حالا من ناحية الألم ولكني أحسست أن درجة حرارتي مرتفعة وذلك لأني اشعر بالبرد في هذا الجو الصيفي, تحاملت على نفسي وإرتديت ملابسي لكي أذهب إلى العمل , فكرت مرارا ان أتصل بهم وأعتذر عن الحضور في هذا اليوم ولكني فكرت ماذا سأفعل لو جلست في المنزل لا شيء , فذهبت للعمل


واليوم انا أفضل حالا بكثير واتمنى من الله ان يساعدني على قراءة القرآن وصلاة التراويح والتهجد وما الى ذلك من نفحات رمضان الروحانية .

Monday, September 18, 2006

سبحان الله


ماذا اكتب.. أو ماذا يمكن أن يكتب
فالجمال يتحدث عن نفسه
والقدرة الإلهية تتجلى بآياتها
ولا نملك إلا ان نقول في خشوع
سبحان الله العظيم

Thursday, September 14, 2006

قول للغريب



أردد هذه الأغنية كثيرا هذه الأيام...فهل ستحقق النبوئة !!

قول للغريب حضنك هنا دربك قريب من دربنا

بيتك هنا اهلك هنا حزن البشر ده حزننا

عيون حبيبتي الطيبين بيعلموني اكون حنين

ده مفيش ما بينا لا و ليه ولا كدب نتأسف عليه

عالم صغير بيضمنا يرسم ويمحى اسمنا

نتلاقى فيه من غير ميعاد ونصير بعاد من غير بــــــــــــلاد

قول للغريب فرجه قريب قول للغريب فجره قريب

عالم صغير على قدنا

Monday, September 11, 2006

ذكر ...أنثى

بمناسبة الجدل المحتدم بسبب موضوع كلنا ليلى... تذكرت شيئا قد قرأته من فترة ... وقد أعجبني كثيرا ...فعاودت البحث عنه إلى ان وجدته.. وهذا هو :

ذكر ....أنثى



قال لها ألا تلاحظين أن الكـون ذكـراً؟

فقالت له بلى لاحظت أن الكينونة أنثى!

قال لها ألم تدركي بأن النـور ذكـراً؟

فقالت له بل أدركت أن الشمس أنثـى!

قـال لهـا أوليـس الكـرم ذكــراً؟

فقالت له نعم ولكـن الكرامـة أنثـى!

قال لها ألا يعجبـك أن الشِـعـر ذكـراً؟

فقالت له وأعجبني أكثر أن المشاعر أنثى!

قال لها هل تعلميـن أن العلـم ذكـراً؟

فقالت له إنني أعرف أن المعرفة أنثـى!

فأخذ نفسـاً عميقـاً وهو مغمض عينيه ثم

عاد ونظر إليها بصمت لـلــحــظــات وبـعـد ذلك.. قال لها سمعت أحدهم

يقول أن الخيانة أنثى

فقالت له ورأيت أحدهم يكتب أن الغدر ذكرا

قال لها ولكنهم يقولون أن الخديعـة أنثـى.

فقالت له بل هن يقلـن أن الكـذب ذكـراً.

قال لها هناك من أكّد لـي أن الحماقـة أنثـى

فقالت له وهنا من أثبت لي أن الغباء ذكـرا

قـال لهـا أنـا أظـن أن الجريمـة أنـثـى

فقالـت لـه وأنـا أجـزم أن الإثـم ذكـرا ً

قـال لهـا أنـا تعلمـت أن البشاعـة أنثـى

فقالـت لـه وأنـا أدركـت أن القبـح ذكرا

تنحنح ثم أخذ كأس الماء فشربه كله دفعة واحـدة

أما هـي فخافـت عنـد إمساكه بالكأس مما جعلها

ابتسمت ما أن رأته يشرب وعندما رآها تبتسم له قال لها

يبدو أنك محقة فالطبيعة أنثـى

فقالت له وأنت قد أصبت فالجمال ذكـراً

قـال لهـا لا بـل السـعـادة أنـثـى

فقالت له ربمـا ولـكن الحـب ذكـرا

قال لها وأنا أعترف بأن التضحية أنثـى

فقالت له وأنا أقر بأن الصفـح ذكـرا

قال لها ولكنني على ثقة بأن الدنيا أنثى

فقالت له وأنا على يقين بأن القلب ذكرا

ولا زال الجـدل قائمـاً ...ولا زالت الفتنة نائمـة ....وسيبقى

الحوار مستمراً طـالــمــا أن.. الـسـؤال ذكـــراً ...والإجـابـة أنـثــى



فمن برأيكم سوف ينتصر على الآخر؟

أم إنه لا ضرورة لوجود منتصر أصلا !!!

Sunday, September 10, 2006

نحن النسوة



طبعا أغلب الناس سمعت عن بلوج " كلنا ليلى " وهو حاجة كدة زي حركة
بناتية ولا اقول نسائية ....لأن أغلب مؤسسين الحركة بنات...واليومين دول البنات مش بيحبوا يتقال عليهم نسوة ولا نسوان ولا حريم...مش عارف ليه بالظبط..مع إنها ألفاظ بتوصفهم وليس ألفاظ تنقص من قدرهم .. ما علينا ...المهم إن حركة " كلنا ليلى " بتوصف مدى بشاعة وقسوة المجتمع الذكوري اللي بيظلم البنت من لحظة ولادتها وحتى لحظة وفاتها مرورا بالمدرسة والكلية والجواز ...إلخ إلخ.....


وطبعا كل البلوجيات المبجلات ..مكدبوش خبر ...وكل واحدة فيهم كتبت بلوج محترم...يمكن يكون أطول بلوج كتبوه في حياتهم البلوجية المديدة ... وكل واحدة أسهبت وفصلت وتعرضت لكل مراحل العذاب في حياتها كأنثى.. وكانت دايما في حاجات مشتركة دايما في كل بلوج بقراه من نوعية :


- اشمعنى ملعبش مع الولاد وانا صغيرة

- ليه اخويا الولد بيسهر ولنل مش بسهر براحتي

- لي مش من حقي أرجع البيت بالليل متأخر .

- لي مش من حقي ان أعمل علاقات واحب ولاد قبل الجواز

- ليه دايما نجاح البنت باهت مهما كان كبير


وحاجات تانية كتير قوي من العذابات المتواصلة ..... انا بصراحة مش عارف أقول ايه .انا كنت هعييط وانا قاعد أقرا الكلام ده.......انا ليا تعليق يمكن يكون غريب او متخلف في وجهة نظر كتير ...بس هقوله وأمري لله ...


البنت دايما عندها إحساس بالنقص عن الراجل .. ليه ..؟


لإن فعلا هية دي الحقيقة البنت فعلا ناقصة عن الراجل في حاجات.... هية حاجات مش كتير ...زي إيه ...زي مثلا بنيان الجسم ...البنت أضعف من الراجل ودي حقيقة علمية محدش يقدر ينكرها.... حتى لو كانوا همة الإتنين في نفس الجسم ...لكن أكيد الغلبة الجسمية دايما للراجل ....دي حاجة


الحاجة التانية ..البنت اعصابها أضعف من الراجل بكتير ...ودي بقى خلقة ربنا...منقدرش نعمل فيها حاجة .... ودايما الدموع عندها قريبة ... مش زي الولد...اعصابه غالبا بتكون أنشف ...ومشاعره يقدر يمسكها كويس .....


لكن في المخ والتفكير ...الشهادة لله....الإتنين زي بعض ...يعني قصدي ....منقدرش نقول البنات أذكى....أو الولاد أذكى ....لإن المخ ده هوة الحاجة اللي ربنا ساوى فيها بين كل البني آدمين ....عشان يكونوا كلهم مكلفين ...يعني يوم القيامة كلهم سواء ...لأن الاتنين مخهم واحد.....مفيش جنس هيكونه حسابه مختلف عشان مخه تعبان عن الجنس التاني .....


طيب لو فرضنا ان في أب سمح لبنته انها تخرج بالليل متأخر....هتكون ايه النتيجة...تحرشات كتيرة جدا ....يمكن توصل لمحاولة التطاول باللمس أو الجذب ....أو حتى الخطف ....حتى لو كانت لبسها محترم....ليه ...لأن المجتمع بتاعنا مجتمع مبقاش فيه قواعد تحكم سلوكه ... يعني مبقاش الحجاب معناه الاحترام ...لا ده ممكن يكون قناع عشان البنت تعمل اللي هية عايزاه...ودي نماذج كتير بدأت تظهر دلوقتي....طبعا هية حالات مش كتير ...بس بتكون باينة قوي ... المشكلة ان الأهل فهموا البنات الحجاب غلط .... هو مجرد غطاء للرأس.....تييجي البنت من دوول تروح مغطية راسها من غير ما تعرف ايه اللي مفروض تعمله وايه اللي ميتعملش.....ايه الصح وايه الغلط.....عشان كدة تلاقي المناظر اللي بتشوفها على كورني المنيل والمعادي ...أو في أي ركن ضلمة .... والواحد يشوف المنظر ... ويكون عايز يشد الطرحة من فوق راس البنت لإنها ملهاش لازمة ......


ناس هتقوللي طيب ليه الولاد تعمل كدة أصلا ...مفيش تحضر ...مفيش تقدم ....طبعا هرد عليهم بحاجة واحدة ....بصوا برة في الدول الأجنبية اللي عندهم التحرر على أشده ...وعنهم بنات الليل ممكن ييجوا ديليفري لحد البيت ....بس برده عندهم تحرش جنسي ...سواء في الشغل او الشارع ..او حتى في البيت من أهلهم.....وطبعا جرايم الإغتصاب على ودنه ....يعني برده لا نفع معاهم تقدم ولا حضارة ولا يحزنون.....


المشكلة جوانا احنا....جوانا كمجتمع مش عارف يربي ولاده ولا بناته....
...


أنا حاسس ان الموضوع وسع مني ....وفي حاجات كتير جوايا عايز أكتبها......فهكمل بعدين

Sunday, September 03, 2006

تعليق يا فاعل الخير والثواب

ليه كل الناس او بالأصح المدونين أنفسهم بقو معتبرين البلوج ضرورة من ضرورات الحياة اليومية ... مع اني فاكر ان البلوج اول ما ظهر مكانش المفروض انه يكون بالدرجة دي من العلنية ....انا لما قريت عن البلوج قريت انه يعتبر صفحة شخصية ... ممكن الواحد يكتب فيها اللي هوة عاوزه او يقول فيها كل اللي في نفسه ...زي اليوميات اللي كان في بعض الناس بيكتبوها زمان ...

بس الفرق ان زمان كان الناس بيعتبروا اليوميات دي حاجة شخصية جدا .. ممكن يتفننوا ازاي يخبوا الكراسة او الكشكول اللي كانوا بيكتبوا فيه يومياتهم لحسن يقع في ايد حد كدة ولا كدة ...مكانش الواحد مستني او متوقع ان ممكن ييجي اليوم اللي الآية تتقلب فيه ويبقى اليوميات اللي المفروض ان شكلها بس هوة اللي اتغير وبقت إلكترونية تبقى علنية ...ممكن كل الناس تقول فيها رأيها ...وتنقدها....لأ وكمان تقدملك إقتراحات عشان تطور من نفسك وكتاباتك....حاجة غريبة جدا.....

وبعدين في مدونات الكلام اللي فيها ركيك جدا ...ومفهوش اي حاجة كويسة ممكن تتقري...ومع ذلك تلاقي كل التعليقات من نوع "بصراحة إسلوبك جميل " أو "ايه الكلام الجميل ده " أو "بصراحة إحساسك عالي جدا" ...وطبعا كل الكلام ده موجه لمدونات بنات ....انا حاسس ان غرف الدردرشة ... وبنامج الأي سي كيو ....رجعوا تاني ...بس في شكل أكثر جدية ...ولكن في أصله هو بنفس الهزلية ....

مش معنى كدة ان كل المدونين كدة ...(ولو ان كلمة مدونين بتخنقني أصلا)....لأ... في منهم فعلا بيكتبو اللي همة عايزينه....مش اللي الناس عايزة تقراه....في بعض المدونات اللي بحترمها جدا ...أصحابها بيكتبوا فيها كل يوم ....مع إن التعليقات ممكن تكون صفر ...أوبالكتير تعليقين...لكن ...مش بيروحوا يجروا ويعلقوا في كام مدونة..عشان الناس تيجي تعلق عندهم .....دول ناس فهموا البلوج صح....

لا واللي يغيظ اكتر ان في ناس بكل بجاحة بتيجي وتطلب منك ان تزور البلوج بتاعهم وتكرمهم بتعليق ولا اتنين...كأنه بيشحت التعليق ...حاجة غريبة والله...

Saturday, September 02, 2006

is it possible .....



is it possible .....

so cruel intent ..

so hasty heat and so soon spent ..

from love to hate ,and thence for to relent..

is it possible..?



is it possible.....

that any may find..

within one heart so diverse mind...

to change or turn as whether and wind...

is it possible...?


Sir Thomas Wyatt

"I love these words